Ромитан пахта тозалаш корхонаси 1984 йил йилда қуриб, ишга туширилган. Корхона цехида қуритиш-тозалаш цехи 2 та СБО русусмли қуритиш барабанлари, 2 та ТГ-1.5 русусмли иссиқлик генераторлари, 5 та СС-15А русумли сепараторлар, 2 та ПЛПХ русумли жамланма тизимлардан ва 5 та “Меҳнат” русумли йирик ифлосликларни тозаловчи батареядан ташкил топган бўлиб, 2 та ПЛПХ жамланма тизими ўз навбатида 4 майда ифлосликларни тозалаш агрегатлари ва 12 та РХ русусмли йирик чиқиндилардан тозаловчи машиналардан иборат эди.

            Корхонада жин-линтер ва пресс цехида бир дона СС-15А сепаратори, 3 та ДП-130 русумли жин ва 3 та 1ВП русумли тола тозалагичлар, 3 та батареядан иборат 15 та ПМП-160 русумли линтерлар, 3КВ тола конденсори, 3 та КВП-8 русусмлмли момиқ конденсорлари ва 3 дона ДА-8237 русусмли пресслар (биттаси толани, 2 таси момиқни пресслашга мўлжаланган) ва 30 та ҳар хил вентиляторлар ўрнатилган. Корхона 1998 йилда биринчи бор қисман реконструкция қилиниб, корхонанинг бош корпусига 2 қатор УХК линияси ўрнатилди, ундан тозаланган пахта лентали қия транспортёр орқали жинларга бериладиган бўлди. 2 та СБО русумли қуритиш барабанларидан иборат қуритиш гуруҳи пахта тозалаш цехига яқин қилиб жойлаштирилди, барабанларда қуритилган пахта механик йўл билан, яъни лентали қия траспортёр орқали УХК линиясига узатилади.

            Чигитдан момиқни бир мартада тозалаб олишни ташкил этиш учун аввал ўрнатилган 3 батареяни 2 батареяга айлантириб, ҳар батареяга 6 тадан, жами 12 та линтер қолдирилди ва момиқни 2 босқичда пресс цехига етказиш ташкил этилди. Бу лойиҳани татбиқ этиш учун линтоотводнинг конструкциясини (тузилишини) ўзгартиришга тўғри келди. Батареядаги ҳар 3 та линтердан бир гуруҳ қилиб линтоотвод чиқарилди, иккала гуруҳ бир асосий трубопроводга уланди ва момиқ циклонга йўналтирилди. Циклонда йиғилган момиқ пневмотранспорт орқали пресс цехида ўрнатилган КЛ русумли конденсорга берилади. Ундан тушган момиқ ОВМ ускунасида тозаланиб, пресс қутиларига туширилади. Қайта жиҳозлаб бажарилган бу чора-тадбирлар натижасида 1998 йилга нисбатан момиқ ишлаб чиқариш ҳажми 437 тоннадан 1 050 тоннагача кўтарилди, шу билан бир қаторда унинг сифат кўрсаткичлари 85,3 фоиздан 92,0 фоизгача ўсди.

            Худди шунингдек, тола ишлаб чиқариш бўйича ҳам кўрсаткичлар яхшиланди, жумладан, жинларнинг иш унумдорлиги ҳар арра сонига соатига 4,6 килограммдан 6,1 килограммгача етди. 2002 йил ҳосилидан тола чиқими 1998 йилдаги 32,3 фоиздан 33,27 фоизга ортди. Ишлаб чиқарилаётган толанинг сифат кўрсаткичлари шу даврда 6,7 фоизга яхшиланди. Корхонани қайта жихозлаш даврида янги, мукаммаллашган технологияни ишлаб чиқаришга жорий қилиш натижасида, жараёнда қатнашаётган машина ва механизмлар, хусусан, пахта тозалаш ускуналари сонининг қисқариши, уларда ўрнатилган электродвигателлар сонининг 224 тадан 163 тагача қисқаришига, бунинг эвазига 700 кВт/соат элект энергияси иқтисод қилиб қолинишига олиб келди. Натижада бир тонна тола ишлаб чиқаришга таъмилашга қадар ўртача 500-520 кВт/соат электр энергияси сарфланган бўлса, ҳозирги кунда бу кўрсаткич 320 кВт/соатни ташкил этмоқда. Корхонада кейинги пайтда қайта жиҳозлаш ва шу билан боғлиқ чора-тадбирларни амалга ошириш натижасида бино ва иншоотлар эгаллаб турган 8 640 квадрат метр майдон очилиб, у ерларга дарахт ва гул кўчатлари ўтказилиб, кўкаламзорлаштирилди.

            Корхонада сифатли уруғлик чигит тайёрлаш бўйича жуда катта ишлар бажарилди. Олдинги уруғлик тайёрлаш цехи таъмир қилиниб, 8 та машинадан иборат чигитни туксизлантириш линияси ҳамда “Пектус” фирмасининг чигит саралаш агрегати ўрнатилди. ЧСА русумли уруғлик чигитни саралаш агрегати ўрнатилиб, уруғлик чигитни дорилаш машинаси модернизация қилиб қўйилди.

            Ҳозирги кунда кунда Ромитан пахта тозалаш корхонаси вилоятдаги самардорлиги юқори бўлган корхоналардан бири ҳисобланади.